我係元朗人

中學校長

「20年前我來到天水圍,可以話見證住天水圍嘅『喜起樂落』。當年有幾單新聞,加上傳媒冠以『悲情城市』之名,呢個地方得到社會各界人士關注,政府亦投放咗好多資源發展,喺大家共同努力下,社區逐漸成熟,慢慢亦培養出好多優秀傑出嘅年青人,今日嘅成績,有目共睹。

其實10年前我攞過『好市民獎』,舉報巴士上一個偷拍狂,去警署落口供,都係盡公民責任,好小嘅事,估唔到有獎攞!我哋學校有幾個學生,都試過喺街上救急扶危,幫助一個老人家,後來警方都頒咗個感謝狀表揚佢哋。社區就係需要守望相助,好人好事,由細做起。」

~元朗係一個好特別嘅社區,呢個地方充滿人情味,住咗各式各樣嘅人,每個人都有佢哋唔同嘅故事,我哋做個紀錄同大家分享,希望你哋鍾意~

 

Back to list

發佈留言