「以前真係經常有同事問我，住元朗係咪騎牛返工架！大學同學都會問我屋企係咪耕田！城市人都覺得元朗好遠，但其實尖東搭西鐵，半個鐘都到啦！好多地方淨係元朗人先識，例如合興 (車仔麵)，好少傳媒報導，但好食。有時上晒報紙果啲，又未必好食，好多都伏！元朗人有好多集體回憶，例如細個成日去嘉城飲茶。例如 Yoho II 我哋始終要叫『新元中』(舊名) 先唔會搞錯。輕鐵都係大家好有共鳴嘅生活一部份。好鍾意元朗，其實好多元朗人都好鍾意元朗！」
~元朗係一個好特別嘅社區，呢個地方充滿人情味，住咗各式各樣嘅人，每個人都有佢哋唔同嘅故事，我哋做個紀錄同大家分享，希望你哋鍾意~