印尼華僑

「我係印尼華僑，雖然七十幾歲，但好鍾意返來長者中心做義工！博愛醫院王東源夫人長者地區中心就係我嘅家，我喺度學手語歌、學剪紙、學中國繩結，而家仲做埋手工班導師，教其他老友記。新年又用利是封摺金魚，送俾其他長者同小朋友。施比受更為有福呀！呢度好多朋友，生活好充實。一個星期有三日仲會過鳳琴街體育館跳舞，做運動。老人家都有好多活動，幫到人又幫到自己呢！」

~元朗係一個好特別嘅社區，呢個地方充滿人情味，住咗各式各樣嘅人，每個人都有佢哋唔同嘅故事，我哋做個紀錄同大家分享，希望你哋鍾意~