「我係一個髮型師，年輕時自己走出去(市區)做過一段日子，都跟過好多大師級，近年返來元朗做。我會同人講，元朗都有高質素嘅髮型屋，顧客要求亦好高，唔係人哋想像中嘅一腳牛屎。出面俾到你嘅專業服務，我哋呢度全部做到足，最緊要係有心機。發現元朗人仲有一個特性，就係好容易可以同陌生人搭訕，我見好多原本大家唔識嘅客人，聽到隔離講啲熟悉話題，就會忍唔住插嘴。甚至有時搭小巴，三唔識七都會高談闊論，我阿嫲又會無端端同司機吹水。呢啲喺市區真係好少見，城市人好冷漠，真係啋你都傻啦！」
~元朗係一個好特別嘅社區，呢個地方充滿人情味，住咗各式各樣嘅人，每個人都有佢哋唔同嘅故事，我哋做個紀錄同大家分享，希望你哋鍾意~