我係元朗人

咖啡店主

「我係朗屏邨長大,心目中想元朗有一個地方,可以純飲嘢、坐得舒服、清清靜靜、放鬆 Relax,一間可以 hea 同傾計嘅 Coffee Shop,自己又鍾意咖啡,於是乎去咗台灣、日本學。開咗咖啡店之後,都好鼓勵啲同事去參加不同國際性比賽,比較一下自己同其他人嘅水準。證明元朗人元朗店,完全唔輸蝕,我哋一直保持高質素。呢度都係星期六日假期最忙,平日就多熟客,環境比起市區較為寧靜、休閒。我哋堅持只提供輕食,因為如果有廚房煮油煙食品,就會影響到成間咖啡店嘅環境、香味、感覺。年青人要堅持自己嘅理想,唔好俾其他人潑冷水影響到。輸唔緊要,最緊要曾經努力過,克服困難,夢想就會實現!」

~元朗係一個好特別嘅社區,呢個地方充滿人情味,住咗各式各樣嘅人,每個人都有佢哋唔同嘅故事,我哋做個紀錄同大家分享,希望你哋鍾意~

 

發佈留言

發佈留言必須填寫的電子郵件地址不會公開。