我係元朗人

區議員

「我花名係『周圍騰』都真係喺元朗天水圍『騰』咗幾十年啦!曾經跟過一位高人,佢話『水上爬龍船,岸上有人見』即是無論任何事都唔可以『揸流攤』,呢位高人就係已故前新界鄉議局劉皇發主席,發叔教過我好多做人道理,畢生受用。1997至2000年間,天水圍發生好多跳樓個案,我曾經成功勸阻13位居民放棄自殺嘅念頭,好難忘嘅經歷。我由那些年嘅哥哥,做到而家變咗叔叔,好多街坊我由佢哋細細個睇到成家立室,生兒育女。地區、人物、事件,都不斷發展,做好自己本份,迎接未來每一個挑戰!」

~元朗係一個好特別嘅社區,呢個地方充滿人情味,住咗各式各樣嘅人,每個人都有佢哋唔同嘅故事,我哋做個紀錄同大家分享,希望你哋鍾意~

 

發佈留言

發佈留言必須填寫的電子郵件地址不會公開。