[et_pb_section bb_built=”1″][et_pb_row][et_pb_column type=”2_3″][et_pb_text _builder_version=”3.1.1″]
《從小伙子到貼地超人》 “呢個人係咪傻架“ 路人冇心嘅一句，超人聽到後其實有少少唔開心，但冇諗過要回頭望，因為終點係前面 好多人都會好好奇，點解有啲人會扮鬼扮馬走去跑步，其實超人都有佢嘅原因同故事 Q1. 點解要扮超人？ 超人哥哥有個花名叫大鼻，本身只係單純想跑個步，佢話跑步令佢擺低過去唔開心嘅事(姐係失戀)，點知越跑越舒服，個人都越黎越開心同有動力，有次比賽有扮野獎，佢心諗，反正贏唔到第一名，不如扮下野開心下睇下會唔會有獎，佢一心只係希望令人開心，令跑步比賽嘅氣氛輕鬆啲搞笑啲，吸引更多人跑步 大鼻：除左超人，我諗唔到仲有咩角色適合我😂 Q2. 唔怕阻住人咩？想出風頭？ 其實其他國家，例如日本，啲人比賽都會扮下野，參賽者見到又開心，打氣嘅人又開心，然後自己都開心埋！出風頭就睇你點睇，大鼻扮超人都係想你見到佢，對佢笑一笑，再互相講句加油姐！平時元朗已經逼到行唔到，今次大搖大擺係街跑，輕鬆下啦❤❤ Q3. 超人係咪認真跑？ 係！有留意嘅人就會知佢跑足全程， 50分左右完成好叻叻豬架👍超人除左自己跑，有時仲會做下領跑員，同殘障人士並肩作戰，為嘅唔係贏，而係要分享佢所擁有嘅，或者，開心其實可以好簡單 Q4. 件衫咩質地？係咪好熱？ 超人帶埋件戰衣黎做訪問，小編摸過，心口就係好似海綿咁，尼龍面，果日咁曬，係好熱好熱 大鼻：係熱呀，但呢件著上身即刻變大隻😈 訪問中，感受到大鼻哥哥秉承超人嘅理念，希望將正能量帶俾大家，乜都假，最緊要開心，最後，超人話希望識個同佢一樣中意做運動嘅女超人，下次再一齊參加咼
[/et_pb_text][/et_pb_column][et_pb_column type=”1_3″][et_pb_image _builder_version=”3.1.1″ src=”https://www.forever-yuenlong.com/wp-content/uploads/2018/05/街跑超人.jpg” /][et_pb_image _builder_version=”3.1.1″ src=”https://www.forever-yuenlong.com/wp-content/uploads/2018/05/街跑超人-1.jpg” /][/et_pb_column][/et_pb_row][/et_pb_section]