我係元朗人

本地農夫 Lok

「我係一個農夫,而家喺元朗牛潭尾(攸潭美)農地,種水耕蕃茄。其實一畢業時我喺銀行做咗6年,到2013年開始創業,初時喺屏山農地種蕃茄。雖然不斷都遇到好多困難,耕種要配合天氣、地點、交通運輸等等,有好多變數,每一日都要自己睇住啲農作物,呢幾年都唔敢去旅行呀!就算出 trip 都只可以短途,頂多離開兩三日,因為雖然有科技可以自動化灌溉,但往往總有意想不到事情發生,一定要親力親為。不過為本地農業拼搏係有意義嘅!香港唔可以靠晒金融一個行業,本地出品嘅農產品,健康有益,質素有保證,希望大家多多支持啦!」

Lok’s Farm

~元朗係一個好特別嘅社區,呢個地方充滿人情味,住咗各式各樣嘅人,每個人都有佢哋唔同嘅故事,我哋做個紀錄同大家分享,希望你哋鍾意~

Back to list

Related Posts