「我來自巴西，2012/13年度，就係代表元朗足球，攞咗呢個乙組冠軍盃，之後元朗就升班到甲組，再到港超聯，我喺元朗已經足足7年啦！我仔 Henry 都係元朗讀書，出到街好多街坊認得我都會打招呼，好有人情味。出街食飯我淨係識嗌凍檸水、咕嚕肉、炒飯，呢幾樣我最鍾意。今年我42歲啦！但仍然踢緊職業賽，其實都會面對一定壓力，好多謝各位元朗球迷都好支持我，鼓勵我，我一定會繼續努力！每次喺球場聽到看台大嗌【元朗！元朗！】我哋球員都會好振奮，希望大家繼續支持元朗足球！」
~元朗係一個好特別嘅社區，呢個地方充滿人情味，住咗各式各樣嘅人，每個人都有佢哋唔同嘅故事，我哋做個紀錄同大家分享，希望你哋鍾意~