社區幹事

「我係元朗長大嘅潮州人，屋企都好傳統，細細個我就好鍾意食公公同媽咪包嘅糭，因為佢哋會加好多家庭式口味。而家大個咗，我都會參與社區包糭活動，送俾街坊長者食。原來包糭好有學問，三塊葉同四塊葉都有唔同包法，紮糭嘅水草太乾又會斷，鹹蛋黃都要揀得靚。我覺得包糭係廣東人嘅傳統文化，年青人同下一代都應該繼續傳承，端午節要親手包糭先至有氣氛架！」

~元朗係一個好特別嘅社區，呢個地方充滿人情味，住咗各式各樣嘅人，每個人都有佢哋唔同嘅故事，我哋做個紀錄同大家分享，希望你哋鍾意~